LUŠČARA V 3.b

Sako leto naša učiteljica prepravi nam nekaj za Dane kruha. Moramo reči da nam  je bilo najzabavnije do ve.

    Nabrola je provo kuruzu, a mi smo vam v našem dvorištu meli provo luščaru. Kuruzu je dela na pojovo koju su negda delali od provoga domočega plotna. To vam je kak velika deka. Dobila jo je od svoje prabake. Dok smo jo zluščili trebalo jo je i zružđiti. Navčili smo se ružđiti s ružđekom, kocenom i kojekom. Kojek je bil najbole fora. Moraš po čavlima strugati kuruzu i zrna letijo na se strone. Kuruzu smo pospravili v koš. Učiteljica nam je rekla da jo treba dobro posušiti i onda se more dnesti v mlin i od je se dobiva kuruzna mela.Z jom se more hroniti i živina.  Nikaj se od kuruze ne hiče krej. Luščije se dene v zimi pajcekima kaj im ne bo zima, a s kocejem se igraju deca. I to nam je pokozala. Igrali smo se koce-podelili smo se v dve grupe i takmičili se štera bo grupa napravila viši kotec ali kaj se ne vruhne.  Posle dela težaki su navek išli nekaj jest. Tak i mi. Pojeli smo si provo domočo kuruzno zlevenko , štero smo na samom početku dena  zvordali, a teta kuharica nam jo je spekla. Bila je prefina!  I još nekaj smo se navčili! Dok so deca bila zločesta morala so negda v koto na kuruzi klečati. To pak joko boli. Tak nam je rekla učiteljica, mi smo ne probali.

Kaj se se more s tom kuruzom! Ko bi si mislil!